శ్రీగురుభ్యోనమః.
శ్రీరామ నవమి దినమున
మా రామునకంజలింతు మహి సజ్జన ర
క్షా రాముఁడు ఖల జన శి
క్షా రాముఁడు ధర్మ నిరతి సంరక్షకుఁడున్.
ఘటమునన్ రాజును గాంచి తెమ్మని బల్కె
.......... రాజులకు రాజు శ్రీరామమూర్తి
పాద ఘట్టనముచే పడతి యయ్యెను రాయి
.......... బాణతాడిత తన్వి స్థాణువయ్యె
ముని వేషుఁడగు రావణుని మోసమున తాను
......... నిజదార బాసె సన్మునినుతుండు
ఖగరాజ వాహనుండగు రాజరాజేంద్రు
.......... డల జటాయు సహాయ మర్థిజేసె
నౌర వీరప్రతాపాఢ్యుఁడైన రామ
గుణము లెన్నంగ తరమె భర్గునకునైన
రామ పదయుగ్మమునకంత నామనంబు
పీఠమై వెల్గు వరమె యీప్సితము నాకు.
మీకు మీ కుటుంబ సభ్యులకు శ్రీరామనవమి శుభాకాంక్షలు.
కామెంట్లు లేవు:
కామెంట్ను పోస్ట్ చేయండి